- Arrangementet gjekk flott. 246 utøvarar fullførte maraton, medan kring 250 gjennomførte aktivitetane i trimklassane, seier Johnny Solheimsnes i Jølster Maraton til NRK Sogn og Fjordane.
Mange utlendingar
Solheimsnes registrerer at kring 70 prosent av deltakarane kom utanfrå fylket. Deltakarar frå både Danmark, Nederland og Sverige stilte til start.
- Vi var litt skeptiske til varmen, men det gjekk bra. Det var nokon som måtte bryte, seier han.
Audhild Hestad frå Gaular sikra gull i kvinneklassa. Det var stas for arrangøren at det var ei kvinne frå heimfylket som gjekk til topps.
Fleire maraton
- Det var kjekt. At ho skulle komme under tre timar for første gong i Jølster var veldig artig. Det ho viste i går var sterkt, og eg trur ho har kapasitet til å springe endå fortare, seier han.
Med auke i antal deltakarar ser arrangøren fram mot nye år med Jølster Maraton.
- Det at vi hadde NM samstundes gjorde nok litt på deltakartalet. Men vi kan ikkje gje oss no. Vi kjem nok til å halde det gåande i nokre år til, seier han.