Storm på kysten i dag, men det kan bli verre til helga

Statsmeteorolog Anders Sivle seier at dei overvaker nøye dei to lågtrykka som dei ser nærme seg. Truleg når dei vestlandskysten fredag og laurdag.

– Det er litt uvisst kor sterke dei er og kvar på kysten dei treff, det kan vere Rogaland og Hordaland, men det kan og bli lengre nord.

Men også i dag blir det ruskete, seier Sivle.

– Utpå ettermiddagen aukar det på til liten storm på kysten, truleg full storm ved Stad. Også i fjellet blir det mykje vind, opp i sterk kuling. Og det blir regn dei fleste stadene i Sogn og Fjordane, det startar på kysten i ettermiddag, i indre delar kjem regnet mot kvelden.

• Les også: Målte vindkast på 45 meter i sekundet i natt, no er det «berre» full storm...
• Les også: «Hald deg i ro viss du ikkje er heilt, heilt nøydd til å ut å køyre»