16 av 26 kommunar har vekst eller uendra folketal. Fylkets mest folkerike kommune, Førde, går for første gong på mange år tilbake med 14, til 12.246. Nabokommunane Jølster, Naustdal og Gaular har derimot alle markant vekst.
Trur på vekst framover
TRUR PÅ VEKST: Førde-ordførar Nils Gjerland
Foto: Christian Wiik Gjerde / NRKFørde-ordførar Nils Gjerland kjenner seg trygg på at Førde ikkje har nådd grensa for vekst.
– Det har skjedd før også at enkelte kvartal har hatt minus, men det vanlege har vore vekst. Det har vore litt meir utflytting og litt mindre innflytting i dette kvartalet enn det som har vore vanleg. Slik fødselstala ser ut og det vanlege flyttemønsteret, blir eg overraska dersom det ikkje er plusstal neste kvartal, seier han.
Fjaler er kommunen med den største nedgangen. Det er no 63 færre som bur i kommunen enn i april.
- LES OGSÅ:
- LES OGSÅ:
Stryn kommune har fått flest nye innbyggjarar. Her er det 62 fleire personar per 1. juli enn det var i april. Flora har nest flest med 46 nye innbyggjarar. Eid og Vågsøy har også vekst.
Meiner trenden er god
Kommunalminister Liv Signe Navarsete seier trenden generelt er god.
– Dette viser at fylket har vekst, der nokre kommunar har gjort det betre enn andre. Det er sentra som veks, i tillegg til omkringliggjande kommunar, seier ho.
No skal kommunaldepartementet analysere tala som SSB har lagt fram. Navarsete seier tala siste året viser ei positiv befolkningsutvikling i distriktskommunar som ikkje er sett sidan byrjinga av 80-talet.
– Det ser ut til at den trenden kjem til å halde fram. Det er gledeleg at Sogn og Fjordane har låg arbeidsløyse og at vi greier å få folk hit. For dei minste kommunane handlar det om tilflytting, for det er ikkje fødselsoverskot i mange av kommunane. Det er viktig å ta vare på dei som flyttar til, anten dei kjem frå inn- eller utlandet.
- LES OGSÅ: