Då 27 musikarar og dansarar frå Sør-Afrika skulle lære kursdeltakarar tone og takt frå det afrikanske landet enda det med musikkparade gjennom gatene i Førde.
Fredskorpset hadde i dag invitert til verkstad der sørafrikanske kunstnarar skulle gje inspirasjon til norske musikarar og dansarar.
– Dei er ein del av Field Band Foundation, fortel Tutu Jacobsen Kirya i Fredskorpset.
Organisasjonen har 26 band over heile Sør-Afrika, men størst fokus på dei fattigaste bydelane i dei største byane.
Målet er å halde ungdomen vekke frå kriminalitet og eit vanskeleg liv.
STEMNING: Det blei god stemning i Førde då musikkparaden fylte gatene med musikk og dans.
Foto: Geir Bjarte Hjetland / NRKNoregsturné
Førre helg var dei 8 dansarane og 19 musikarane i Bergen for å feire 100-årsjubileet til Norges Musikkorps Forbund. Dei har hatt eit tett samarbeid sidan 2001, deriblant med utveksling av personar mellom dei to organisasjonane.
Sidan dei sørafrikanske musikarane først var i Noreg tenkte Fredskorpset at ein tur til Førde under Førdefestivalen var vinn-vinn for alle partar.
1. august flyttar Fredskorpset offisielt hovudkontoret frå Oslo til Førde. Ifølge Kirya er dette byrjinga på eit tett samarbeid med Førdefestivalen.
– Vi håpar på eit godt samarbeid, seier ho.
VIL SAMARBEIDE: Tutu Jacobsen Kirya i Fredskorpset håpar dei kan få ei tett samarbeid med Førdefestivalen når dei flyttar hovudkontoret til Førde frå og med 1. august.
Foto: FredskorpsetTett program
Dei neste dagane skal gruppa opptre i både Førde, Florø og Høyanger.
– Det blir musikkparade i Florø sentrum klokka 18 på onsdag, seier Kirya.
Torsdag er det Høyanger som får høyre og sjå musikk og dans frå Sør-Afrika frå klokka 11.
Fredag er det offisiell opning av Førdefestivalen, men programmet er i gong allereie onsdag. I år er det heile 39 innslag under festivalen, som også skal ha konsertar på Håjen Kafé i Naustdal og på Utsikten på Gaularfjellet.
