I dag kjem miljøvernministeren som skal seie ja eller nei til fjorddeponiet på synfaring i bygda. I Vevring vil Erik Solheim bli møtt av motstandarar av gruvedrifta.
- LES OGSÅ:
– Det er ein veldig alvorleg dag. Det er ei alvorleg sak. Dette er kampen om fjordane som er blåst i gang, seier Anne Line Thingnes Førsund.
– Ikkje berre Vevring
Motstanden har vore stor i bygda over lengre tid. Det har vore demonstrert også tidlegare. Så blir også tilfelle når delegasjonen frå regjeringa kjem på besøk i dag.
- LES OGSÅ:
Dei vil markere sin motstand til at det i fjorden skal deponerast 11 tonn slam per minutt i 50 år om gruvedrifta kjem i gang.
– Denne saka vil skape presedens. Det handlar ikkje berre om Førdefjorden. Kan du ta ein sprell levande, heilt rein fiskerifjord som denne fjorden og proppe den full av gruveavfall og kjemikaliar, så kan du ta ein kva som helst norsk fjord, seier Thingnes Førsund.
(Artikkelen held fram under TV-saka)
– Eit svært dårleg byte
Ho viser til ein rapport som slår fast at det ligg mineralverdiar langs norskekysten for 1 500 milliardar. Difor meiner demonstrantane i Vevring at det ikkje berre er tale om Engebøfjellet og Førdefjorden.
- LES OGSÅ:
– Det står i same rapport at det føreset fjorddeponi, seier Thingnes Førsund.
– Gruvedrifta vil bety pengar i kommunekassen og arbeidsplassar?
– 170 arbeidsplassar i bytte mot ein heil fjord full av fisk, full av mat, full av villaks, det er til og med ein nasjonal laksefjord, det er eit svært dårleg bytte, seier ho.
Serverer fjordmat
Sidan tidleg tysdag morgon har innbyggjarane førebudd demonstrasjonen mot planane Nordic Mining har for Engebøfjellet.
Dei yngste lagar teikningar og banner, medan dei eldste set saman ein meny beståande av mat frå Førdefjorden.
– Eg håpar han tykkjer det smakar godt, at det er ein oppvekkjar og påminning om at fjordane er fulle av mat og oppleving, seier Thingnes Førsund.