Politiet har sett nærare på mobilbruken til den tidlegare styreleiaren i Selje hotell. Statsadvokat Magne Nyborg meiner det styrkar mistanken om at han er «Mr. X». No må han og dei andre tiltalte i saka møte i Gulating lagmannsrett.
Mannen vart i Sogn og Fjordane tingrett frifunnen for medverknad til å ha starta brannen, men dømd til fengsel i eitt år for medverknad til økonomisk utruskap.
Påtalemakta anka og står fast på at den tidlegare styreleiaren køyrde med bror sin frå Sverige til Selje for å rigge brannen.
- Les også:
– Vi har sett nærare på korleis han har brukt mobiltelefonen sin. Vi meiner saka ikkje har svekka seg, seier Magne Nyborg til NRK.
Står fast på uskuld
Ankesaka startar i dag i Gulating lagmannsrett. Då vil statsadvokat Nyborg på nytt forsøke å få den tidlegare styreleiaren dømd for medverknad til brannstifting.
- Les også: Selje hotell tapt i storbrann
I tingretten
.- Les også:
– I førre runde var det meir fokus på økonomidelen. No blir det branndelen. Som vitne kallar vi inn fleire etterforskarar og folk som er ekspertar på datatrafikk, seier Nyborg.
Mobilbruk viktig for alibiet
Både mobilbruk og kjøp av ein bil var viktige brikker i den tidlegare styreleiaren sitt alibi. Han hevdar å ha vore i Sverige då brannen vart rigga. Utover at bevisa er styrka, vil ikkje Nyborg kommentere kvifor han meiner å kunne motbevise dette.
Forsvarar Randulf Schumann Hansen vil heller ikkje kommentere Nyborg sine påstandar om styrka bevis.
– Min klient har same standpunkt som i tingretten og det tingretten kom fram til. Han vart frifunnen for medverknad til brannstifting og forsikringssvindel, seier Schumann Hansen til NRK.
Må vitne mot bror sin
Den tidlegare styreleiaren er ein av tre brør som vart arresterte og sikta for forsøk på forsikringssvindel etter at hotellet vart totalskadd i brann i november 2016.
Den erkjende straffskuld og vart dømd til fengsel i fem år og seks månader. Sogn og Fjordane tingrett fann det ikkje bevist at den tidlegare styreleiaren var «Mr. X».
. HotelldirektørenNår lagmannsretten no set av fem dagar til saka, må også alle brørne tilbake i vitneboksen. Statsadvokaten vil truleg legge ned påstand om fengsel i seks og eit halvt år om anken får medhald hos lagmannsretten.