For to år sidan kverrsette politiet 30 kilo hasj i ein bil utanfor Unions sine gamle lokale.
I mai i fjor vart leiaren for Union MC dømd til seks års fengsel for kjøp av dei 30 kiloa.
No prøver leiaren han å reinvaska seg for skuldingane i Gulating lagmannsrett.
Berre to månader etter dommen i fjor vart han arrestert på nytt. Då fann politiet tre kilo amfetamin og fem kilo hasj i bilen hans. Dette stoffet har han vedkjent var hans.
Han vert difor sitjande i fengsel i fleire år, uavhengig av ankesaka i Gulating.
Felles for dei to narkotikabeslaga er at stoffet kom frå Oslo. Politiet meinar Hells Angels har stått for leveringa, då dei fann eitt av medlemma sitt fingeravtrykk på pakkane.