Mannen blei arrestert etter at ei kvinne i 30-åra blei påført alvorlege kuttskadar i ansiktet og halsen inne i ei leilegheit i Hornindal. Dette skjedde natt til 17. mai. Kvinna blei send til sjukehuset i Førde der ho blei operert.
Både ho og mannen er no avhøyrt av politiet, men politiet vil ikkje gå i detalj på kva etterforskinga har brakt på bane til no.
Politibetjent Ole Tom Nord ved Eid lensmannskontor seier det ikkje lenger var grunn til å halde på mannen, sjølv om det framleis er ikkje er klart kva som hende.
– Han blei sleppt fri fordi det ikkje lenger er bevis for at bevis skal gå tapt eller at han skal kunne påverke vitna, seier han.
- LES OGSÅ:
- LES OGSÅ:
Politiet veit framleis ikkje kva gjenstand som blei brukt for å påføre kvinna kuttskadane.
– Vi ventar på resultat frå dei tekniske funna som er sendt inn til analyse. Det gjeld mellom anna blodspor og gjenstandar, seier Nord.
- LES OGSÅ:
Mannen i 50-åra har erkjent delvis straffskuld i samsvar med siktinga. Både kvinna og mannen skal vere kjenningar av politiet.