Mann sendt til Haukeland etter slagsmål
Ein mann i 50-åra er sendt til Haukeland sjukehus i ambulanse etter eit slagsmål i Bergen sentrum.
Det er ukjent kva slags skadar mannen har.
– Det er observert ein skarp gjenstand, seier operasjonsleiar Stine Mjelde.
Fleire politipatruljar rykka klokka 05.02 ut til området rundt Øvre Korskirkeallmenningen og Lille Øvregate i sentrum etter fleire meldingar om slagsmål.
To menn i 20-åra er pågrepen og sikta i hendinga.
Ifølge politiet har dei ingen informasjon som tilseier at dei to kjente 50-åringen.
– Politiet har gjort fleire beslag av ulike gjenstandar, men me ynskjer ikkje å kommentara kva før me er ferdige med vitneavhøyr, seier Mjelde.
Det var bebuarar i området som ringde inn og melde frå om slagsmålet, seier Mjelde.