– Det var tips frå publikum om ein bil som køyrde utan skilt og at føraren kunne vere rusa. Politiet rykte ut og vedkomande var openbert rusa. Vedkomande opplyste til politiet at han hadde tenkt seg til Oslo, fortel politiet sin operasjonsleiar Wenke Hope til NRK.
Mannen hadde i alle fall køyrd strekninga frå Byrkjelo over Utvikfjellet til Stryn, truleg mykje lenger, før han blei stoppa.
– Han er frå Sunnfjord, så han har nok køyrd frå den regionen. Han har nok køyrd i over ein time i alle fall, slår Hope fast.
Ho seier at politiet ser alvorleg på dette, og at køyringa var til stor fare for han sjølv og andre i trafikken.
– Mannen var synleg rusa då han blei stoppa. Han er no dimittert frå politiet si varetekt og sett på ein buss til Oslo, opplyser Wenke Hope.