Mæland irritert over SSB-saka

Næringsminister Monica Mæland (H) skal ha uttrykt misnøye med korleis si eiga regjering har handtert tidlegare SSB-direktør Christine Meyer, ifølge VG. Næringsministeren, som kjenner Meyer frå tida deira i byrådet i Bergen frå 2007 til 2011, har meldt seg inhabil i saka. Ifølge ei kjelde avisa har snakka med skal Mæland ha sagt at «hun gjør bare det som var hennes oppdrag, å omstille SSB» då ho fekk vite at Meyer gjekk av. Statsråden seier at ho ikkje kjenner seg igjen i framstillinga av samtalen.