OBS! Billettane til Julelutt 2010 er utselde.
Olav Stedje, Sigrid Moldestad, Eva Weel Skram og Håvard Lothe er musikalske namn som kvar for seg kling godt. No går dei saman for å spele kvarandre sin musikk i Operahuset på Nordfjordeid siste helga i november.
Les og;
Les og;
Det skjer laurdag 27. november kl 1800 i Operahuset Nordfjord.
-Noko av det største
- Dette må vere noko av det største som har skjedd innan lokalmusikken i fylket. Eg gler meg som ein unge til å høyre dei fire spele kvarandre sine godlåtar. Det seier ein ivrig prosjektleiar for årets Luttkonsert på NRK Sogn og Fjordane, Stian Sjursen Takle. Konserten blir sendt både i radio og nett-tv.
Aktuelle artistar
Slik ser plakaten for Julelutt 2010 ut.
Medlemmene i den nye gruppa er svært aktuelle for tida. Sigrid Moldestad er kåra til årets folkemusikar, Eva Weel Skram er blant dei mest spelte på norsk radio, Olav Stedje gjev ut si 12.plate og Håvard Lothe har mellom anna lagt bak seg eit år som kongen av Fylkestoppen.
Les og;
-Det blir ein gallafest
Lokalradioen har lagt sin julekonsert til Nordfjordeid i år i samarbeid med Operahuset Nordfjord. Der inviterer dei publikum til ein gallafest for lokalmusikken laurdag 27. november. Også P1-scenen i NRK P1 kjem til Nordfjordeid, for å ta opp konserten for speling på norges største radiokanal.
- Men det stoppar ikkje med fylkesgruppa vår. Vi har fleire godbitar, og ei flott samling med etablerte og nye unge musikalske talent, seier Stian Sjursen Takle.
Sjå også;
Mange andre på scena
Odd Erik Lothe frå Fabel kjem for å framføre ein heilt ny julesong. Ein av dei fremste sopranane i fylket, Synnøve Nordvik, gir deg ein smak av opera saman med Olga Pavlova. Radioartisten Odd frå Årdal kjem med bandet sitt, og sunnfjordkunstnaren Oddvar Torsheim spelar den splitter nye låta si.
Unge talent
- I tillegg til dei etablerte artistane meiner vi i Lutt at det er like viktig å få vise fram unge talent. Dei unge talenta Vilde Skjerdal, Sigrid Myklebust og Simon Pavelich kan publikum glede seg til å få oppleve på Luttscena for første gong.
Årets artist
Utdeling av Luttprisen 2009 til Håvard Lothe.
Foto: Simon Solheim / NRKFast innslag i Julelutt er også utdeling av Luttprisen – årets artist i Sogn og Fjordane. Ein lokal artist frå Sogn og Fjordane får pris på 25.000 kroner, radiospeling og ein kunstdiplom av Oddvar Torsheim.
- No håpar vi berre at publikum fyller salen på laurdagskvelden, og blir med oss å feire lokalmusikken i fylket, seier Sjursen Takle som legg ut billettane for sal i dag.
Les og;
Les og;