Kjempar om 1 million a-ha-kroner

Nyleg vart nordfjordingane plukka ut av sjølvaste a-ha som ein av finalistane til å vinne ein million kroner. Pluss ein stadiokonsert med supergruppa.

Det er i samband med avskilsturneen at a-ha har bestemt seg for å dele ut «a-ha-stipendet».

- Vi er stolt og kry over i det heile å bli trekt ut mellom dei åtte som dei har mest tru på internasjonalt. Det er kjekt. Du veit at du har gjort noko rett, jublar frontfigur Hans Christian Helgesen.

- Siger i seg sjølv

Saman med ein jury, valde a-ha ut åtte artistar som i sommar skal møtast til duell på kvar sine VG-lista Topp 20-show. Kvar finalevinnar får ein million kroner. The Pink Robots reiser til Stavanger der dei 30. juni møter Susanne Sundfør.

• LES OGSÅ: Alt om The Pink Robots

- At vi kom til finalen er ein siger i seg sjølv. Det er ei stor ære å bli plukka ut, seier Helgesen og fortel at dei vart spurt om å vere med i ein slik interesse.

Ryddar gjerne for A-ha

The Pink Robots vart tidlegare i år kåra til årets Urørt .

• SJÅ: The Pink Robots årets Urørt

I sommar har gruppa fått eit etterkvart fullbooka program. Mellom 13 førebelse festivalar, er gruppa mellom to frå fylket som får spele på Hove . I juli står dei også på scena når NRK Sogn og Fjordane arrangerer Sommar:Lutt.

• LES OGSÅ: Her er artistane til Sommar:Lutt

Sjølv med eit etterkvart tettare turneprogram, seier ikkje The Pink Robots nei til å rydde plass til ein av a-ha sine avskilskonsertar i haust - dersom det blir siger i Stavanger.

• LES OGSÅ: Seljeband klar for utlandet

- Vi er veldig opptekne, men det skal ikkje bli vanskeleg å finne plass til om det skjer, ler Helgesen.

Får gjort mykje

Etter å ha hala i land urørtsigeren, var meldinga til fansen at dei skulle sleppe å røyste meir for gruppa. No må likevel Helgesen og resten av bandet oppmode fanskaren sin om å røyste i veg. Finalen i Stavanger skal avgjerast ved folkerøysting.

Helgesen seier det er liten tvil om at dei svært gjerne kan tenke seg å fylle på bandkontoen med ein million kroner.

- Det kjem veldig godt med. Det er dyrt å halde på. Det gjer det straks lettare å nå ut. Du kan få ein turne meir og marknadsført deg meir, seier han.

P.S. Gruppa fekk gode tilbakemeldingar på debutplata. Musikkanmeldar Atle Bredal i NRK skildra albumest som friskt og nytt, og gav plata åtte av ti poeng . No er gruppa i studio og i gang med å spele inn nye låtar.

HØYR: Atle Bredal melder The Pink Robots