Høyr melodiane på Fylkestoppen

Når vi sender Fylkestoppen, mellom klokka 11 og 12, kan du gje di røyst på SMS.

Sjå også: Sigrid erobra Fylkestoppen

Ein sæl Kyss - Sigrid Moldestad

Breimingen Sigrid Moldestad er den aller siste utfordraren til Fylkestoppen som kjem neste torsdag. Ho har fått både femmarar og seksarar på terningen for den nye plata si Sandkorn.

Sandkorn er den andre soloplata frå Sigrid Moldestad som debuterte i 2007, med temaplata Taus. Ei plate som også gav spelmannspris til tausa frå Breim.

• HØYR: Ein sæl kyss - Sigrid Moldestad

Min Tilgivelse - Xzwer

Florøværing Michael Kildal, alias Xzwer, er tredje utfordrar til Fylkestoppen i april med sin nye song "Min Tilgivelse". Grovt språk og aggressive utskjellingar av folk som står han nær har tidlegare prega songtekstane til den 19-år gamle artisten. I 2008 vart den unge rapparen politimeld av personar som kjente seg sjikanert i tekstane hans.

Dei negative reaksjonane førte til ei grundig sjølvransaking. Resultatet vart ei endring i både takt - og tone. I sin nye song "Min Tilgivelse" ber han om orsaking.

• HØYR: Min Tilgivelse - Xzwer

Blå natt - Karin Haugen og Helge Bjorøy

Karin Haugen og Helge Bjorøy gjorde furore på fylkestoppen i 2008 med visa om Sommarkveld ved Skjerjehamn, som også vart årets fylkestopp det året.

I slutten av november 2009 gav dei ut si første langspelplate, Blå Natt. Plata er ei blanding av eige-skriven musikk, plussa på med nokre storslagarar frå farna tider. Gulenduoen havna på andre plass i sin første runde med låta "Blå Natt" i januar.

• HØYR: Blå Natt - Karin Haugen/Helge Bjorøy

Fjordhingsten - Frøholm/Tillung

Folkemusikaren Britt Pernille Frøholm frå Hornindal er ute med ny plate i lag med trekkspelaren Irene Tillung. I 2008 hadde Frøholm svært god utteljing på Fylkestoppen med musikk frå debutplata " For Allje Dei".

I januar kom ho rett inn på tredje plass på fylkests eiga musikkliste med musikk frå plata "Eins" som kom ut i november. Det er slåtten Fjordhingsten som deltek pål Fylkestoppen for andre gong.

• HØYR: Fjordhingsten - Britt Pernille Frøholm/Irene Tillung

Her er utfordrarane:

Average Joe - Babe Rawlins

Babe Rawlins har spelt i lag sidan 2005 og har jobb hardt og lenge med debutplata Sturzgeburt, med musikk i grenselandet mellom pop og rock.

Gruppa blei landskjent i fjor då dei vann Urørt for Care-finalen i Nrk P3 med songen Beyond the Glass, som dei også framførte under TV-aksjonen 2009.

– Merksemda dette medførte er positivt, også med tanke på platedebuten, seier låtskrivar og vokalist Henrik Rivedal Hellevik frå Askvoll.

• HØYR: Average Joe - Babe Rawlins

The Word - Lene B

Lene B kallar ho seg florøkvinna som satsar hardt på å etablere ei musikk-karriere. 23-åringen nett vore i studio og spelt inn nokre av songane sine, og no vil ho prøve lykka på Fylkestoppen med låten The Word.

Lene Kristin Midtbø Berge som har skrive musikk dei siste 10-åra. Men det er først i det siste at ho har våga seg fram til mikrofonen. Det er musikaren Kiril Milchev som har skrive The Word.

• HØYR: The Word - Lene B

Det vil alltid finnast ein bar - Steinar Engelbrektson Band

31. mai kjem Steinar Engelbrektson Band med ei førebels oppsumering av karriera. Då slepper nemleg nordfjordingane samleplata "Aller beste". Inn i mellom plate-høgdepunkta har bandet også funne plass til ein flynkande ny låt som er utfordrar nummer tre til fylkestoppen neste torsdag.

Steinar Engelbrektson er inne i sitt trettiande år som musiker. I 1996 stabla han på beina bandet som i dag er kjent som Steinar Engelbrektson band. Gruppa vart fort eit av fylkets mest etterspurte band, og i 2003 kom den første plata frå nordfjordingane.. Sidan er det blitt fire album til, og i 2008 blei dei nominert til spelemannspris for albumet Rabalder. På fylkestoppen prøvar dei seg med den "nye" låten på samleplata - Det vil alltid finnast ein bar.

• HØYR: Det vil alltid finnast ein bar - Steinar Engelbrektson Band