Litt før klokka 8 søndag morgon varsla ein båtførar politiet om at det låg ein tom båt eit par hundre meter nord for Krokeide kai, ved Vorholmen/Botnavika.
Det var ikkje observert nokon personar i området, og ingen var meld sakna.
Båten var ein ca. 12 fots Askeladden utan motor. Det var garn i båten, og ei åre hang ut i sjøen.
– Det er ingen blåser med namn ombord. Det ligg nokre krabbar i garnet, men det er vanskeleg å vita kva tid det er brukt, sa operasjonsleiar Frode Kolltveit ved Vest politidistrikt til NRK.
Luftambulansen, redningsskøyta Kristian Jebsen, ein båt frå brannvesenet og ein ambulansebåt var med i søket.
Båten vart tatt inn til Mildevågen på andre sida av fjorden. Politiet forhøyrde seg med naboar både på Milde- og Krokeidesida.
Politiet ba publikum om tips. Ein person tok kontakt og meinte ut frå fotoet av båten kven som kunne vera eigaren. Det viste seg å stemma, og politiet fekk kontakt med vedkommande.
Båten har kome på rek utan at nokon var ombord.
