Kvinna la ut på tur i 11-tida i føremiddag, og skulle ha vore attende ved 18-tida i kveld. Kring klokka 20 vart politiet varsla, og det var sett i gang ein leiteaksjon.
– Vi kalla ut Røde Kors og Norske Redningshunder, i tillegg til at politiet også var på veg til Haukedalen, opplyser operasjonsleiar Trond Hatlenes til NRK.
Klokka 21.05 opplyser Hovudredningssentralen for Sør-Norge at kvinna har kome til rette. Ho hadde feilrekna tida.
Den tyske turisten er i god form og var fjellvant.
– Ho er no gjenforeint med ektemannen som venta på hytta i Haukedalen, opplyser Hovudredningssentralen til NRK.