Med Even Hovland i midtforsvaret har 2. bundesligaklubben .
Det har også landslagsleiinga fått med seg. Om to veker tek dei ut troppen til EM-kvalifiseringskampen borte mot Kroatia.
– Å spele fast i 2. Bundesliga, og å gjere det så godt der, er i seg sjølv ein sterk søknad på å komme med, seier assistenttrenar Jarl Torske.
Takkar ikkje nei
NÜRNBERG: Even Hovland har berre eitt fokus for tida: å halde Nürnberg så høgt som mogleg i 2. Bundesliga.
Foto: Bård Siem / NRKHovland sjølv tek det heile med stoisk ro. Veimingen har fått godt med tillit etter André Weiler tok over som hovudtrenar i klubben.
26-åringen står førebels med fire A-landskampar. EM-kvaliken 28. mars ofrar han ikkje ein tanke på no.
– Sjølvsagt har eg lyst til å vere på landslaget, om dei vil ha meg med. Det står ikkje på det. Men fokus mitt er å prestere jamt og trutt for laget. Då får ein kanskje moglegheita, seier den tidlegare Molde- og Sogndal-spelaren.
– Ein bauta
Torske skildrar Hovland som ein solid og spennande spelar for framtida. Landslagsleiinga har sett midtstopparen i sving for Nürnberg.
– Han er ein bauta i midtforsvaret. Tøff i duellane og i lufta, har offensive eigenskapar i form av å sette opp medspelarar framover og ein god pasningsfot. I tillegg har han god fart, seier han og ikkje vil forskottere noko landslagsuttak til EM-kampen.
Likevel:
– Even er i høgste grad aktuell i ein så stor 25 mann stor tropp, seier Torske.
Har ein fordel
Noreg står med tre sigrar og eitt tap så langt i EM-kvalifiseringa, og vann sist 1–0 borte mot Aserbajdsjan.
Utan at han vil vandre nervøst rundt med mobilen i handa når uttaket nærmar seg, vedgår han at han har ein fordel i høve dei andre midtstopparane som vil på landslaget.
– Det er ikkje feil å spele fast ein stad, medan dei andre har ferie og vinterpause. Det er ikkje noko eg tenkjer så mykje på. Det viktigaste er å prestere i Nürnberg så får ein ta landslaget dersom det skulle bli aktuelt seinare.
