Mannen frå Sogn og Fjordane vart avslørt, og forfalskinga hamna dermed i tingretten
Det var hausten 2014 at mannen forsøkte å skaffe seg lærarjobb i ein kommune i Sogn og Fjordane. I retten tilstod han å ha lagt ved søknaden eit falskt vitnemål frå ein høgskule ein annan stad i landet. Men i forklaringa peika han på at han ikkje har fortrengt andre søkjarar fordi det ikkje fanst søkjarar som var kvalifiserte til stillinga.
Han presiserte og at handlinga ikkje var økonomisk motivert.
– Men det er likevel på det reine at sikta har fått utbetalt meir enn 300 000 kroner for mykje i løn som følgje av det falske vitnemålet. Retten kan uansett ikkje sjå at desse forholda verkar formildande i saka, skriv dommaren i si vurdering av straffeutmålinga.
Dommaren i Sogn og Fjordane Tingrett syner til at det er vanleg å gi ubetinga fengselsstraff i denne typen saker.
– Etter ei samla vurdering finn retten at straffa passane kan setje til fengsel i 14 dagar.
Mannen samtykkja i at saka kunne avgjerast som tilståingsdom i tingretten.
Han har no skifta arbeidsgjevar og jobbar som lærarassistent ved ein annan skule i fylket.
