Denne veka vart det klart. Alexander Kirketeig, no busett på Askøy, er klar for sitt femte EM.
Seks år etter at han la opp grunna ryggproblem.
– EM 2009 vart ein nedtur deluxe. Då bestemte eg meg: Dette gidd eg ikkje meir. Kroppen skranta og meisterskapen vart spikaren i kista, humrar førdianaren.
Gull i comebacket
Rett skal vere rett. Etter fire års pause hadde han pussa støv av vektstonga og stilte på NM. Det gav han
.I år har han løfta 867,5 kilo. Persane er 340,5 kilo i favorittøvinga knebøy, 250 kilo i benkpress og 285 kilo i markløft.
Det var difor ikkje overraskande at EM-kravet, to gonger 855 kilo, gjekk greitt like før jul. Heilt sikker på EM-uttaket var 36-åringen likevel ikkje.
- Les også:
– Mange klarte kravet, men berre åtte kunne reise – og inntil to utøvarar i kvar vektklasse, seier han.
– Er blitt smartare
Kirketeig meiner han ikkje er veldig mykje sterkare enn i 2009. Men kroppen fungerer betre. Og han er flinkare til å setje saman løfta.
– Du har klart å få kroppen i gang att. Korleis?
– Ein skade vil gro før eller seinare, og prolapsane grodde etter tre år utan tungtrening. Og så er eg utvilsamt blitt ein smartare løftar og kjenner kroppen betre. Er det vondt og tungt å trene, så tek eg det med ro. Eg veit at det ikkje er den treninga eller den veka alt står og fell på.
Håpar på medalje
Kirketeig starta si aktive karriere i 1994 og har til saman delteke på over 25 ulike internasjonale meisterskap for junior og senior. Han har medaljar frå EM, fem norske meisterskap og sjølvsagt norske rekordar.
- Les også:
- Les også:
Han håpar på medalje når EM går av stabelen 6. til 9. mai i Tyskland.
– Eg må nok over 350 kilo i knebøy og 255–260 kilo i benkpress. Samanlagt er vanskeleg å seie. I fjor var sølvet på 855 kilo, seier han og legg til:
– På lengre sikt er 900 kilo det logiske målet, held Kirketeig fram.