Det har vore usikkert om regjeringa ville løyve pengar til Kvivsvegen, men no er det altså klart at det blir start i 2009.
Regjeringa skal legge fram sitt framlegg til Nasjonal Transportplan på fredag. Der vil dei løyve mellom 500 og 600 millionar kroner ekstra til kyststamvegen mellom Ålesund og Bergen i neste tiårsperioden.
– Endeleg gjennombrot
Alfred Bjørlo, politisk rådgjevar i Samferdsledepartementet, seier til Sunnmørsposten at dette er det endelege gjennombrotet for Kvivsvegen. Han seier også at når anleggsarbeidet først er starta, vil det også bli fullført.
Stortinget skal vedta Nasjonal Transportplan i midten av juni.