Kristin Halvorsen blir leiar for Kim Frieles minnepris
Kristin Halvorsen er utnemnd som leiar av juryen for Kim Frieles minnepris.
– Denne prisen skal heidre og vidareføre Kim Frieles innsats for skeive og for menneskerettar. Den skal òg løfte fram aktivistar som arbeider i hennar ånd her i Noreg eller internasjonalt, seier kultur- og likestillingsminister Lubna Jaffery.
I tillegg til Halvorsen, har også Knut Olav Åmås, Guro Sibeko og Kjell Erik Ullmann Øie takka ja til å sitte i juryen. Prisen skal delast ut for fyrste gong i juni neste år.