Alt tilgjengeleg mannskap frå politiet i Sogn og Fjordane er no på plass i Årdal. Men no får dei også bistand frå frå Kripos. Dei vil delta i etterforskinga etter det fryktelege trippeldrapet som skjedde ombord i Valdresekspressen.
– Kriminalteknikarar frå Kripos er på veg til Årdal for å bistå i etterforskinga, opplyser politiet til NRK.no.
Den antatte gjerningsmannen er ein mann i 30-åra. Han blei sjølv skada, og er frakta til Haukeland med politieskorte.
- LES OGSÅ:
– Vi kan stadfeste at den påståtte gjerningsmannen er frakta til Haukeland universitetssjukehus. Vi er no nede på vanleg beredskapsnivå, opplyser informasjonssjef Terje Ulvedal i Helse Førde til NRK.no.
I følgje ei pressemelding frå Haukeland universitetssjukehus er den antatte gjerningsmannen lettare skadd.
Politiet har tidlegare i kveld meldt at mannen er i 30-åra og ikkje etnisk norsk.
– Eg har ingen opplysningar rundt det som har med ham å gjøre, anna enn at han er frå Sør-Sudan og busett i Øvre Årdal, seier politiadvokat Ragnhild Gram Skår ved Sogn og Fjordane politidistrikt til BA.
Saka vert oppdatert!
Har du tips eller bilete? Kontakt oss på 03030 eller 03030@nrk.no
