NHO-direktøren går radikalt til verks i sitt forslag. Fire storkommunar som så skal bli del av ein stor Vestlandsregion ut frå NHO-sin tankegang, og få nye oppgåver.
– Vi meiner at dagens struktur hindrar god og effektiv næringsutvikling. Det reduserer den lokale slagkrafta og det hindrar faktisk optimale tenester til innbyggjarane, meiner Stang.
FORSLAGET: Slik ser NHO for seg at Sogn og Fjordane kan delast inn i framtida.
Foto: Skisse: NHO Sogn og FjordaneNye oppgåver
Får han og NHO det som dei vil skal det berre vere att fire, store kommunar her i fylket, i staden for dagens 26:
Kysten som ein kommune med Florø som senter, store deler av Sogn som ein med Sogndal som kommunesenter, ein kommune midt i fylket med Førde som «hovudstad» og ein i Nordfjord aust for Vågsøy med Eid som kjerne.
– Dei kommunane her som då vil få mellom 20.000 og 30.000 innbyggjarar vil kunne ta ein del av oppgåvene som både fylkeskommunen og ikkje minst Fylkesmannen har i dag, seier NHO-leiaren.
– Vil presse seg fram
Han syner mellom anna til dei store utfordringane dei mindre kommunane har med å skaffe tilstrekkeleg kompetanse inn i kommuneleiinga.
– Etterkvart som fråflyttinga aukar og det blir håplaust å få tak i administrativ kompetanse rundt om i kommunane, så vil dette her presse seg fram, meiner Stang.
Tvilar på frillig samanslåing
Han trur slett ikkje at alle dei 26 kommunane her i fylket vil godta nokon stor-samanslåing utan sverdslag.
– Då er spørsmålet om ein skal vente på at det blir gjort ei sentral overstyring eller om ein vil setje seg i førarsetet sjølv. Vi trur at det siste vil vere smartast, men vi tvilar vel på at det vil skje, sler Stang fast.