Det var femåringane Ingeborg Svor og Mathias Grodås som ynskte kronprinsparet velkomen til barnehagen, og barnehagestyrar Ann Iren Ulvedal gav dei kongelege ei orientering om barnehagen, som har markert seg på ulik vis.
Kunstatelier og kokebok
Barnehagen har mellom anna sitt eige kunstatelier, det fekk kronprinsparet omvising i. Dei fekk og lese i og vite meir om kokeboka som barnehagen har forfatta.
- Suppa smakte godt
Så var det omvisning på uteområdet til Hornindal barnehage. Der fekk Haakon og Mette-Marit smake på brenneslesuppe. Mette-Marit sa at det smakte veldig godt, og at ho var svært imponert over det dei hadde fått til.
Folkefest i sentrum
Etter barnehagebesøket gjekk turen til Grodås sentrum, der det var folkefest med ein stor del av innbyggjarane i fylkets nest minst folkerike kommune til stades.
Kunst av Anders Svor
Kronprinsparet fekk også sjå ein del av skulpturane til Anders Svor. Ei miniutstilling var sett opp for dei kongelege på kommunehuset.
