KNIVSTIKKING I NATT:

Ein mann i 30-åra er alvorleg skadd etter at han blei stukken med kniv på Sandvoll i Kvinnherad i natt. Knivstikkinga skjedde i eit bustadhus, og blei meldt om lag klokka halv to. Det var seks andre til stades i huset. Dei er pågripne og skal avhøyrast. Alle dei involverte er frå Litauen, og politiet seier det er uklart kva som har skjedd fordi dei snakkar dårleg norsk.