Ein del av kjøtet som Nordfjord Kjøtt i Loen i år brukar til pinnekjøt er verken norsk eller årsferskt. I staden brukar dei eitt år gammal islandsk lammekjøt.
Gunstein Instefjord, som er fagdirektør for Mat og Handel i Forbrukarrådet, er skeptisk. Han viser til at det ikkje står noko på pakningen om kor tid kjøtet vart fryst ned.
Når det ikkje står noko om innfrysingsdato veit ikkje forbrukarane kor gamalt kjøtet er, seier han.
– Dette er ikkje bra, seier Instefjord til NRK.no.
– Ikkje regelbrot, men viktig likevel
Slik det er i dag er det ikkje noko regelbrot å ikkje oppgje innfrysingsdatoen på kjøt. Men Instefjord i Forbrukarrådet er likevel kritisk til at dette ikkje blir gjort, og oppmodar bransjen til å gjere det.
– Dette går ikkje på tryggleiken ved produktet, men for forbrukaren er det relevant informasjon, seier han.
– Innfrysingsdatoen på ei vare har betydning for kvalitet, og for forbrukar er det nyttig og viktig å vite kva ein kjøper, seier Instefjord.
– Fullverdig mat
Geir Egil Roksvåg, dagleg leiar ved Nordfjord Kjøtt, ønskjer ikkje å kommentere saka på radio, men svarer dette i ein e-post:
- LES OGSÅ:
- LES OGSÅ:
Glad for at regelverket blir endra
Nordfjord Kjøtt brukar også norsk lammekjøt av sauer slakta no i haust i produksjonen av årets pinnekjøt.
Instefjord i Forbrukarrådet er på si side glad for at regelverket snart blir innskjerpa. Då vil forbrukarane få nøyaktig informasjon om kor gammalt kjøtet er.
– Ein får snart ei ny forskrift der produsentane blir pålagde å oppgje innfrysingsdato på frosne varer.