Kjerstin fekk trenarskryt etter EM-siger

Junior-EM i handball går i Valencia i Spania. Det norske landslaget opna litt famlande, og motstandaren heldt fylgje til 9-9. Men derifrå og inn var dei norske jentene klart best, mellom anna på grunn av godt forsvarsspel av Kjerstin Boge Solås.

– Vi fekk sett forsvarsspelet der Kjerstin stod fram suverent i duellspelet og braut rytmen i angrepsspelet til Kviterussland. Vi fekk også mange enkle kontramål i denne perioden, seier trenar Tore Johnnesen til handball.no.

Til Tertnes

Dale-jenta er mellom dei yngste på juniorlandslaget, ho fylte 17 år i desember. I to sesongar har ho vore ein viktig brikke på 2. divisjonslaget til Førde, samstundes som ho har spelt 3. divisjon for Dale.

• Les også: Fylkets tidlegare storlag vart audmjuka av Førde
• Les også: Førde vart seriemeister i 2. divisjon - og vann slaget om Sogn og Fjordane

I vår vart det kjent at ho komande sesong skal spele for eliteserielaget Tertnes i Bergen, der juniorlandslagstrenar Tore Johannesen er hovudtrenar.

Fredag kveld skal det norske laget møte vertslanet Spania i junior-EM.