Trass landets lange surfetradisjon, er det første gong NM i surfing blir halde på Stadlandet.
Men ikkje alt gjekk heilt knirkefritt i den første meisterskapen her i fylket. For bølgjene i Hoddevika var for små fredag, og dermed blei konkurransen flytta til Ervika.
– Havet i Hoddevika var nesten flatt, det var nesten ingen bølgjer i det heile teke, seier Mikael Bones Olsen, som er ein av dei kjempar om NM-tittelen i surfing.
Dermed måtte 50 surfarar setje seg i bilane, berre 12 minutt før konkurransen skulle ha starta. 30 minutt seinare var dei framme i Ervik og dei kunne hive seg ut i bølgjene.
Ei av surfeeldsjelene på Stad, Anne Kari Lerfald, blir også kalla surfemammaen er spent.
– Det er akkurat nok store bølgjer til at det kan bli ein morosam konkurranse. Bølgjene er ikkje store, men surfarane er så gode at dei fiksar det, seier ho.