Sogn og Fjordane er det einaste fylket i landet som framleis ikkje har ei katolsk kyrkje, men no kan fyrste steget vere teke.
Oslo Katolske Bispedøme har kjøpt seg hus i Førde og vil tilsetje ein polsktalande prest som kan betjene dei mange polske arbeidarane som i dag må heilt til Bergen for å finne ei kyrkje.
- Håpar det kan bli ei kyrkje
Pater Pål Bratbak i Oslo Katolske Bispedøme seier det er trist at Sogn og Fjordane er det einaste fylket i landet der kyrkja ikkje er etablert. Han seier dei også etterkvart håpar å få til ei ordning også for dei som ikkje er polsktalande.
- Dette er kanskje eit steg i retning av å få etablert ei kyrkje, det er jo litt trist av vi ikkje er etablerte i Sogn og Fjordane.