Awa seier ho har blitt arrestert av moralpolitiet for å vise for mykje hud og hår.
Awa veit risikoen med å gå med ein korterma genser på gata i Iran.
I 2019 flykta ho for å unnsleppe moralpoliti og tvangsekteskap, fortel ho.
Men den norske staten trur ikkje på ho.
Kampen for kvinnene på Stord
«Eg kunne ikkje leve som eit fritt menneske. Viss eg reiser tilbake, døyr eg. Kanskje ikkje fysisk, men psykisk. Eg kan ikkje leve i Iran. »
Ho er ei av 23 iranske kvinner med avslag på asylsøknaden som framleis bur på mottak i Noreg.
Utlendingsstyresmaktene meiner det er trygt for ho og dei andre å dra tilbake til heimlandet.
På same mottak på Stord i Vestland bur også iranske Fariba Rashidi.
Ho har budd 12 år på ulike asylmottak.
Ho engasjerer seg for rettane til iranske kvinner.
Kampen til Fariba og Awa har vekka eit stort lokalt engasjement.
Fleire kjempar for at dei skal få bli.
«Dei risikerer det verste om dei blir sendt tilbake. Eg trur dei fleste i Noreg er samde i at dette er ikkje greitt. »
«Det er sterkt å høyre historiane deira.Dei er i ein fortvila situasjon.»
Kommunen har engasjert seg for at kvinnene skal få sakene sine vurdert på ny.
Også på Stortinget er det politikarar som meiner at dei iranske kvinnene bør få bli.
«Det er endring i situasjonen i Iran. Desse kvinnene har valt å ikkje reise heim. Stort sett er det ein god grunn til det.»
Men fleirtalet på Stortinget vil ikkje at politikarane skal blande seg inn i saka.
«Personar som ikkje har behov for beskyttelse, skal heller ikkje belaste norske skattebetalarar med å få vere i Noreg.»
«Kor vidt situasjonen i Iran no tilseier at dei bør få opphald i Noreg, må bli avgjort av Utlendingsnemnda.»
Det siste halvåret har det vore store protestar i Iran.
Sjølv om tusenvis av menneske har blitt fengsla og hundrevis har blitt avretta, har ikkje Utlendingsnemnda snudd så langt.
Nemnda seier dei følger tett med på det som skjer i Iran.
Men terskelen er høg for å gi asyl basert på sikkerheitssituasjonen i eit land.
Derfor skal det vere trygt for dei 23 kvinnene å returnere.
«UNE meiner at den generelle sikkerheitssituasjonen ikkje er til hinder for retur til Iran. »
Vurderingane blir basert på «ei rekke kjelder», Landinfo og den norske ambassaden i Teheran.
I tillegg gjer dei individuelle vurderingar i kvar sak.
«Awa fekk avslag fordi forklaringa hennar var prega av motstridande opplysningar, og at ho hadde tilpassa forklaringa undervegs. »
«Forklaringa samsvara heller ikkje med gjeldande landinformasjon om tvangsekteskap i Iran. »
Kvardagen i uvisse er vanskeleg, men Awa gir ikkje opp håpet.
Ho har søkt om omgjering av asylsøknaden på ny, på eiga hand.
Nemda seier saka vil bli vurdert ut frå oppdatert informasjon om Iran.
«Eg ser sol. Eg ser håp. Framtida er lys»
Journalistar
Silje Rognsvåg og Maja Mathilde Aarbakke
Foto
Olav Røli, Silje Rognsvåg, Maja Mathilde Aarbakke, NTB/REUTERS/AFP/AP, Privat, Lemet Johanas Nystad, Gisle Jørgensen og Kristoffer Steffensen Lenes
Reportasjeleiar
Terje Gilleshammer
Ansvarlig redaktør: Vibeke Fürst Haugen
Nettsjef: Hildegunn Soldal