Episoden skjedde i Henjabakken klokka ti på åtte om morgonen tysdag.
Jenta var på veg for å møte ei venninne som ho skulle gå i lag med til skulen, då ein vaksen mann tok kontakt. Jenta vart redd og tok til å springe, men mannen følgde etter.
Jenta tok så av til venninna som avtalt, medan mannen heldt fram i ei anna retning.
Politiet ønskjer tips frå folk som kan ha sett mannen. Han er om lag 1,80 meter høg, brei over skuldrene, lys i huda og snakkar norsk. Han var kledd i kvit hettegenser, kvit joggebukse, svart lue og ein svart buff.
Då mannen tok kontakt med jenta hadde han trekt buffen over nasen og lua ned i panna, så berre auga var synlege.