Utlendingsnemnda vedtok i førre veke å kaste familien ut av landet. Foreldra og dei to ungane som har gått i skjul, har det vanskeleg. Det fortel ven av familien, Irene Neset Brude.
- Dei bur på bedehuset i Sogndal, og der har vener og kjende ordna med mellom anna senger og prøvd å gjort det leveleg der. Men det er klart at situasjonen i seg sjølv gjer at dei er under kummerlege tilhøve, seier ho.
Hatefmoktari. Foto: Torbjørn Fardal
- Umenneskeleg
Neset Brude seier at den iranske familien har gått i kyrkjeasyl fordi advokaten deira har stemna nemnda til tingretten.
- Det vert sagt at det kan ta mellom fem og åtte månader før saka kjem opp, og det er umenneskeleg å sende dei tilbake til Iran før den tid, seier ho.