Sjå bileta av Tone etter Idol-sirkuset
Interessa for Idol har vore enorm. 1,4 millionar nordmenn følgde Idolfinalen på TV-skjermen. Kvardagen har blitt uverkeleg for Tone, jenta frå Sogndal som blei nummer to i Idol-konkurransen i år.
Møtte klassen
Denne veka møtte ho klassen sin ved Firda vidaregåande skule for første gong på tre månader, og klassekameratane ville vite alt om idoleventyret. No skal ho prøve å avslutte nokre av faga, så er det farvel til musikklassen på Sandane. Skulen skal ho halde fram i Sogndal, bygda som stemte henne nesten heilt til topps.
Idol i Sogndal
For heime i Sogndal er 17-åringen no det store idolet. Kvardagen er blitt uverkeleg, og alle ho møter stoppar henne for å gratulere. På gata skriv ho autografar og heime ventar fanposten. Og ho er blitt fast inventar på kjendissidene i vekeblad og aviser.
Satsar på musikken
Men midt i alt mediekøyret er det i musikken ho finn ro. Og ho er fast bestemt på at musikken også skal bli framtida hennar.
