– Om vi ikkje får 20 grader i dag er det gode moglegheiter i neste veke, fortel statsmeteorolog Julie Solsvik Vågene om vêret på Vestlandet.
Helga vi har lagt bak oss i sør bar lite preg av at juni månad står for døra.
I Valdres fekk islandshestane eit lag nystøv over manen.
Men det er siste porsjon snø i Valdres, fortel statsmeteorolog Per Egil Haga.
– I kortheit er det høgtrykk, pent og varmt i nord, lågtrykk med ustabile luftmassar med regn i sør, fortel han om dei komande dagane, seier Haga.
Altså kan Finnmark, Troms og delar av Nordland nyte sommerlige temperaturar opp i mot 20 varmegrader mot helga.
Medan det i Sør-Noreg for det meste vil halde seg under 20 varmegrader fram mot pinsehelga.
– Når vi kjem til pinse så snur det
Det er store omveltingar i sirkulasjonen i atmosfæren desse dagane, ifølgje meteorologen.
I pinsehelga vert vêrkartet snudd på hovudet og det er venta høgtrykk i sør og lågtrykk i nord. Temperaturen i nord vil falle med 10 grader enkelte stadar og vêret vert prega av regn.
– I løpet av pinsen blir det over 20 grader i sør, lover Haga.
I hovudstaden kan det kome opp i 22-23 grader og det er venta lettskya pent vêr i helga.
Vil vare ut i juni månad
I sør vil penvêret mest truleg vare inn i komande veke medan sjansane for regn aukar mot helga.
– No ser det ut til at vintervêret er over her i sør, seier Haga.