Matmor Inger-Johanne Hafstad Gjengedal i Hyen i Gloppen tykkjer det er stas med den fire år gamle Golden retrieveren.
– Thea er veldig flink å hjelpe til og er utruleg omsorgsfull. Ho vaskar kalvane, held dei varme og er veldig interessert i dei, fortel ho.
Kalven på videoen fekk ein tvillingbror etter nokre timar. Den var ikkje så sprek, men i to timar låg Thea ved sida av og sleika på den og heldt den varm medan dei andre i fjøsen gjorde ferdig kveldstellet.
- LES OGSÅ:
- LES OGSÅ:
Likar ikkje fjøslukt
Mora til kalvane reagerer ikkje på at hunden sleikar dei reine, men det er enkelte kyr i fjøsen som ikkje er så begeistra for hunden.
– Det er vel slik det er, at nokre går godt i lag og andre ikkje. Men Thea har ein fin personlegdom og går godt i lag med mange.
Thea er eigentleg ikkje så glad i å vere i fjøset. Gjengedal trur ikkje ho likar den sterke lukta som er der.
– Ho har veldig god nase. Det går greitt no når fjøsen er frisk i lufta etter at kyrne har vore på sommarbeite, men utover vinteren er ho ikkje så begeistra.
- LES OGSÅ:
- LES OGSÅ:
Vil ha massasje tilbake
Gjengedal seier hunden er veldig spesiell. Og det er ikkje berre kalvar ho vaskar.
– Eg trur ho har eit stort morsinstinkt. Ho rundvaskar også oss i familien. Eg får fotvask kvar morgon.
Men hunden gjer ikkje slike tenester utan å få noko att. Når matmora sit ved bordet for å ete, set hunden seg ved sida, heilt rak i ryggen.
– Då vil hunden ha massasje av meg, ler ho.
Tidlegare var det sauer på garden og Thea visste å innynde seg blant dei også.
– Ho lag seg ned og let dyra snuse på ho. Ho vaska av og til sauene også. Det finst ikkje ilt i denne hunden, seier ho.