– Kommunen ønskjer å gå vidare og ha eit positivt forhold til dei involverte partane. Det seier rådmann i Høyanger kommune, Arve Varden.
Difor har kommunen i dag vedteke bota frå politimesteren i Sogn og Fjordane på 100 000 kroner fordi kommunen ikkje gjorde nok for å hindre mobbinga dei kjende til ved skulen.
Gut vart halden under vatn
Fredag vart det kjent at kommunen har fått bot for å mellom anna å ikkje ha gjort nok for å hindre mobbing dei kjende til ved skulen.
Høyanger kommune er den første kommunen i landet som har fått bot for å ikkje gripe inn i ei sak der dei visste om mobbing.
Ein gut skal ha vorte halden under vatn i symjehallen til han mista pusten, samt at han fekk hovudet dunka mot ein murvegg. I tillegg gjekk ein medelev til angrep på guten med kniv i skuletida.
- LES OGSÅ:
- LES OGSÅ:
– Vi vil fokusere på å legge denne kjedelege saka bak oss fortast mogeleg og komme i god dialog med partane slik at vi kan jobbe vidare konstruktivt.
– Betyr dette at de vedgår at de har gjort for lite for å hindre mobbinga de kjende til ved skulen?
– Vi erkjenner at politimesteren har gitt oss eit førelegg på to punkt i Opplæringslova. Vi tar det innover oss og vil bruke tidapå å gje best mogeleg tilbod til eelvane som brukar Høyanger skule.
- LES OGSÅ:
- LES OGSÅ:
Kommunen vil bli betre
Kommunen meiner sjølv dei har fått på plass eit betre system som skal fange oss slike hendingar.
– Vi tar dette på høgste alvor og vi vil bli betre rusta til å unngå slike situasjonar.
Barneombod Anne Lindboe sa før helga at det var rett og rimeleg at Høyanger kommune vart straffa for å ikkje ha gjort nok for å hindre mobbing.
– Dette gir eit veldig viktig signal, og eg er svært glad for den avgjerda som både Statsadvokaten og politiet har teke i denne saka. Det kan verke disiplinerande og oppdragande på andre kommunar, seier Lindboe.
Kor vidt det vil komme eit erstatningskrav mot kommunen i framtida er for tidleg å fastslå, meiner Varden.
– Det får vi forholde oss til det viss det skulle komme.