Hovland avslutta tysk målorgie

Even Hovland har slite med lite speletid i den tyske 2. bundesliga-klubben er at Davy Bulthuis vart utvist for to veker sidan. I dagens storsiger slo midtstopparen til med kampens siste scoring.

• Les også: Tilbake etter 13 strake kampar som benkeslitar

Førre helg måtte laget sjå seg slått av Karlsruhe, men laurdag slo Nürnberg kraftig tilbake.

(Union Berlin sin første målscorar i kampfaktaen er feil)

Gjestene fekk ein sjokkstart etter tre minuttar då Hovland tapte ein hovudduell og Adrian Nikci sette inn det første målet. 20 minuttar seinare fekk dei 30 384 tilskodarane ein ny kalddusj då Damir Kreilich dobla leiinga.

• Les også: Snuoperasjonen byrja med Hovland frå start

Etter pause slo Der Club kraftig tilbake og avverja eit tredje serietap på rad. Kvarteret etter pause sytte Niclas Füllkrug for balanse i rekneskapen med sitt første av tre scoringar for dagen. Vidare noterte også Tim Leibold og Guideo Burgstaller for scoring, før Hovland fastsette sluttresultatet på overtid. Dette var 27-åringen si tredje scoring etter overgangen frå Molde i 2014.

Med ni kampar att å spele om er Nürnberg så godt som sikra opprykkskvalifisering. Laget er nummer tre med 59 poeng, og har ni poeng og 20 plussmål å gå på til St. Pauli på fjerde plass.

• Les også: Landslagspause gjorde Hovland til Norges bauta

Der Club har framleis sjanse på direkte opprykk. Freiburg leiar serien med 66 poeng, medan RB Leipzig har den andre opprykksplassen med 62 poeng. Sistnemnde møter Kaiserslautern borte på måndag og kan då auke luka til Nürnberg.