I 1978 starta Magn Håkon Muledal frå Førde som yrkesdykkar. I 1989 måtte han gje frå seg dykkarsertifikatet etter at han pådrog seg ein alvorleg lungesjukdom.
Sidan då har han vore delvis arbeidsufør.
Vann i tingretten
I 2007 saksøkte Muledal staten saman med kollegaene Angus Gunnar Kleppe, Åsbjørn Jørgensen og Dag Vilnes.
Ifølgje Aftenposten var søksmålet frå Muledal på .
Dykkarane fekk , men tapte seinare i lagmannsretten.
- Trudde på rettferd
Tilbake står fire skuffa offshoredykkarar.
- Vi er sjølvsagt frykteleg skuffa, vedgår Muledal.
- De var lamslåtte då avgjerda fall?
- Ja, det var den første reaksjonen. Vi har vore førebudd på at det kunne gå den vegen, men vi trudde det fanst litt rettferd i dette samfunnet, seier Muledal.
- Eg har tidlegare sagt at dersom denne dommen blir ståande, har arbeidsgjevar i denne bransjen blankofullmakt til å skade folk og sleppe unna med det med staten si velsigning, legg han til.
To år i spenning
Då NRK snakka med Muledal fredag ettermiddag, hadde det gått knapt ein time sidan anken vart avvist.
Men: Dei fire dykkarane hadde allereie teke opp til vurdering om dei vil ta saka til menneskerettsdomstolen i Strasbourg. Den endelege avgjerda vert teke av eit ekstraordinært årsmøte i offshoredykkarunionen.
- Korleis har dei to siste åra vore?
- Vi har levd i konstant spenning, og det har vore lite tid til andre ting. Det har vore dykkarsak heile tida, seier Muledal.
