– Eg er veldig glad for at vi no er i gang med arbeidet, seier ordførar i Førde, Olve Grotle, etter å ha tatt første spadetak midt på ein grusplass.
Det første som skal gjerast er å utbetre det ulykkesutsette Bergum-krysset på riksveg 5. Det nye krysset vest for Førde sentrum skal mellom anna ha rundkøyring, og skal stå ferdig neste sommar.
- LES OGSÅ:
Utdatert kryss
Svenn Egil Finden frå Statens vegvesen fortel at Bergumkrysset per i dag er uoversiktleg og utdatert. Men at det kjem til å bli mykje betre for mjuke trafikantar når rundkøyringa kjem.
–Det arbeidet vi startar med i dag er viktig, for dette krysset er slett ikkje så godt i dag, seier han.
LES OGSÅ:
Hadde håpa å starte før
Bompengane som skal finansiere 20 prosjekt i og rundt Førde, vart innført i oktober, men først no kan anleggsarbeidet med samferdsleprosjektet starte.
– Vi hadde håpa å starte arbeidet samtidig med at vi byrja å krevje inn bompengar. Det klarte vi ikkje å få til, men no er vi i gang, og det kjem til å skje så mykje dei neste åtte åra at det blir vanskeleg å kjenne igjen byen, seier Grotle ivrig.
- LES OGSÅ:
Fleire prosjekt
Ordføraren er usikker på når han får ta første spadetak på eit nytt prosjekt, men nemner likevel to av prosjekta som er på trappene.
– Samstundes med at vi er i gang med eit fjordvarmeprosjekt, skal vi snart i gang med eit gang- og sykkelprosjekt i Førde sentrum, også vil det gå slag i slag dei neste åtte åra, seier Grotle.
- LES OGSÅ:
Mykje arbeid i tida framover
Svenn Egil Finden i Statens vegvesen seier dei vil ta omsyn til at folk skal pendle til å frå jobb, men at folk må bu seg på at det kjem til å bli ein del anleggsarbeid i tida framover.
– Det er fint om folk kan køyre forsiktig og ta omsyn til at vi jobbar i området her. Og elles kan folk følgje med på vegvesen.no for å få vite når det blir korte stengingar av veg i samband med arbeid, seier Finden.