Statens vegvesen har saman med politiet utvikla ein snittmålar som bereknar farten over ein lengre strekning, også kalla streknings-ATK, som måler farten mellom to punkt.
Farten blir målt mellom to punkt
Målet med strekningskontroll er mellom anna at ein unngår at lokalkjende bilførarar tilpassar farten til punktmålingane med fotoboksar.
– Erfaringane viser at det blir ein jamnare fartsreduksjon over strekninga som vert kontrollert med snittmåling, seier seksjonssjef i Statens vegvesen, Magna Fondenes Vangsnes.
(Artikkelen held fram under biletet)
Her kjem fylkets fyrste snittmålar.
Foto: Merete Husmo Høidal / NRKLærdalstunnelen, som går mellom Aurland og Lærdal i Sogn og Fjordane og vart opna i 2000, er med sine 24,5 kilometer, blant dei lengste vegtunnelane i verda. Det har blitt målt fartsglade bilførarar opp i 200 kilometer i timen i tunnelen.
- LES OGSÅ:
- LES OGSÅ:
- LES OGSÅ:
Reduserer farten betydeleg
Erfaringar som gjort frå andre stadar med streknings-ATK viser at farten over den målte strekninga vert redusert med 10 prosent. Dessutan held farten seg lågare i opp mot 3 kilometer etter siste målepunkt.
– Vi håpar å få utstyret på plass innan påske. Dette har tatt lengre tid enn venta, seier Fondenes Vangsnes.
Løyvingane til oppgraderinga til det nye kontrollsystemet kom i år, og no skal mellom anna dei eksisterande fotoboksane byggjast om for å få på plass det nye systemet.
– I løpet av vinteren, og helst innan påske, håpar vi på å ha systemet på plass, seier Fondenes Vangsnes.
I tillegg er det fire tunnelar i Sogn og Fjordane som har vanleg ATK - altså fotoboksar: Naustdalstunnelen, Gudvangentunnelen, Fodnestunnelen og Flenjatunnelen.