Hennie sat sjølv bak rattet under innspeling av ei biljakt, skriv Se og Hør.
Ulykka skjedde i Modalen kommune i Hordaland.
Fekk skrens på bilen
Taket på bilen fekk ein kraftig bulk.
Ifølgje Se og Hør, som var til stades under innspelinga, blei Hennie frakta vekk frå staden i ambulanse.
– Han fikk litt for mykje skrens på bilen, så den tok kollbøtte og hamna på hjula igjen, seier produsent Christian Fredrik Martin til VG
Ifølgje filmprodusent Petter Borgli i skal Hennie vere lettare skadd. Han seier til NRK.no at dei vil halda fram med filminnspelinga etter ulukka.
Skodespelaren er blitt sjekka av lege, og skal fortsetja opptaka i løpet av dagen.
Politiet var på staden
Politiet stadfestar overfor NRK.no at det skjedde ei ulykke ved Modalstunnelen i Modalen.
– Politiet var til stades og sperra av vegen medan sjølve innspelinga gjekk føre seg. Ein person er lettare skadd etter at bilen snurra rundt, seier politioverbetjent Kjell-Idar Vangberg i Nordhordland lensmannsdistrikt.
Fordi vegen var sperra av, blir ikkje ulykka rekna som ei trafikkulykke.
– Vi etterforskar dette som ei arbeidsulykke, seier Vangberg.
Thriller om oljeeventyret
Ifølgje Filmweb er Pioner ein thriller frå starten av det norske oljeeventyret.
NRK var med då Hennie for å førebu seg til rolla som nordsjødykkar i filmen.
Filmen skal etter planen ha premiere i september neste år.
SJÅ VIDEO: Aksel Hennie dykkar i 'Pioner'.