Mannheller-Fodnes det einaste store ferjesambandet som er i drift i Sogn og Fjordane i kveld. Dette gjer at det er vanskeleg for helsemannskap å transportere pasientar.
– Vi gjer vårt beste, men vi slåst mot naturkreftene og ein veg kan plutseleg stenge utan at vi kan føresjå det, seier Terje Olav Øen i Helse Førde.
Eitt av alternativa når vegar er stengde er helikopter, men det er for sterk vind til å kunne stole på transport gjennom lufta.
– Vi har ingenting som flyr. Luftambulansen flyr ikkje, og redningshelikopter er avventande og må vurdere frå oppdrag til oppdrag etter kor sterk vinden er, seier Øen.
- Les også:
Vik er isolert
Sidan mange ferjesamband heller ikkje er i drift, prøver no Helse Førde andre metodar for å frakte pasientar over fjordane, dersom det er naudsynt.
– Vi tenker å bruke skyssbåt for å krysse fjorden mellom Lavik og Oppedal, dersom vi må ha pasientar til Bergen, seier Øen.
Vik i Sogn er ein av stadane som er heilt isolerte no. Vegen over Vikafjellet er stengd, og det går ikkje noko ferje frå Vangsnes
– Det blæs godt her i vik, men ikkje noko ofseleg. Likevel er ferja innstilt, og når luftambulanse ikkje flyr, så går det ut over beredskapen vår, seier ordførar i Vik, Olav Turvoll.
Terje Olav Øen i Helse Førde fortel at ambulansestasjonane har styrka ambulanseberedskapen i Måløy, Eid, Stryn, Flora, Høyanger, Lærdal og Sogndal, slik at dei er operative utover kvelden.
- Les også:
Desse ferjestrekningane er ikkje i drift (klokka 22.30):
- E39 Anda – Lote (Sogn og Fjordane)
- Fv365 Værlandet – Askvoll (Sogn og Fjordane)
- Fv614 Isane – Stårheim (Sogn og Fjordane)
- Fv57 Leirvåg – Sløvåg (Sogn og Fjordane)
- Fv606 Krakhella – Rutledal (Sogn og Fjordane)
- Fv57 Rutledal – Rysjedalsvika (Sogn og Fjordane)
- Fv65 Fure – Askvoll (Sogn og Fjordane)
- Fv608 Gjerdvik – Askvoll (Sogn og Fjordane)
- Rv13 Dragsvik – Hella – Vangsnes. B-ruta er innstilt og A-ruta har siste avgang frå Hella klokka 1930. (Sogn og Fjordane)
- E39 Sandvikvåg – Halhjem (Hordaland)
- Fv56 Nordhuglo – Hodnanes (Hordaland)
- Fv544 Skjersholmane – Ranavik (Hordaland)
- Fv546 Hufthamar – Krokeide (Hordaland)
- Fv40 Skånevik – Matre (Hordaland)
- Fv48 Skånevik – Utåker (Hordaland)
- Fv13 Kinsarvik – Utne (Hordaland)
- Fv568 Fedje – Sævrøy (Hordaland)
- Fv126 Gjermundshamn – Varaldsøy (Hordaland)
- Fv48 Årsnes – Gjermundshamn (Hordaland)
- Fv541 Buavåg – Langevåg (Hordaland)
- Fv552 Hattvik – Venjaneset (Hordaland)
- Fv62 Skjersholmane – Borgundøy (Hordaland)
- Fv546 Sandvikvåg – Husavik (Hordaland)
- Fv 49 Våge–Halhjem (Hordaland)
- E39 Festøya–Solavågen (Møre og Romsdal)
