Tilskot gjer at Havkraft kan gå i gang med bølgjekraftverk

Dette er ei voldsom tillitserklæring, seier administrerande direktør Geir Arne Solheim til Fjordenes Tidende .

Bølgjekraftteknologien til Havkraft skil seg ut ved at den produserer meir kraft enn dei andre løysingane på marknaden, seier Solheim.

– Det er ein smart måte å hente opp energien på. Det er eit passivt design, det vil seie at det ikkje er bevegelege delar i kontakt med sjøen. Det tek opp alle frekvensane som havet har, frå små og korte bølgjer til store og lange bølgjer. seier han til NRK.no.

• LES OGSÅ: Stadig like skeptisk til havkraft
• LES OGSÅ: Vil bygge gigantisk kraftverk i havet

(Artikkelen held fram under biletet).

I alt kostar prototypen 10 millionar kroner, men tilskotet frå Innovasjon Norge var det som mangla for at dei kunne gå i gang.

– No har vi alle brikkane på plass. No skal vi til å byggje og få testa det i sjø. Det er der vi får sanninga. Vi håpar at om eitt års tid så skal vi ha det i drift i full skala.