Situasjonen er i ferd med å bli svært fortvilande, seier kona Elin Tonheim Kamara. For Morris får ikkje lov å ta løna arbeid medan han ventar, og han får ikkje noko økonomisk stønad slik asylsøkjarar får.
Seks månader vart ti
Då dei søkte, fekk dei til svar at det ville ta seks til åtte månader, så vart det til åtte til ti månader, og så ti til tolv månader. No har det gått ti månader, og enno har dei ikkje fått ein sakshandsamar i UDI.
Men ifylgje pressekontoret til UDI betyr ikkje det at det ikkje blir gjort noko med søknaden, og normal ventetid på familiegjenforeining er 10 til 13 månader.
Ikkje lov å arbeide
Sidan Morris Kamara søkjer om familiegjenforeining, har han ikkje lov til å arbeide medan han ventar på at søknaden blir avgjort. Han får heller ikkje noko form for økonomisk støtte, slik asylsøkjarane får.
I mellomtida er det foreldra til Elin som hjelper dei økonomisk.
Risikerer utestenging
Til hausten er planen at Morris Kamara skal ta ein avsluttande eksamen i England, men det må han kanskje droppe dersom søknaden om opphald her i landet ikkje er avgjort då. For reiser han ut, kan han risikere å ikkje sleppe inn att.
