- Vi har begynt på det, men det er umogleg å seie kor lang tid det vil ta, sa Asbjørn Røneid som er byggjeleiar i Statens vegvesen til NRK onsdag føremiddag.
Ut på ettermiddag var vegen opna.
- Vegen er no brøyta og vi opnar den frå klokka 17 til klokka 21 onsdag kveld, seier Røneid.
Har vore innesperra sidan laurdag
Det er mektige krefter som har vore i sving i Veitastrond. Eit nesten 400 meter breitt skred gjekk laurdag rett over vegen mellom Veitastrond og Hafslo i Luster.
Sidan då har dei vel 120 innbyggjarane vore utan vegforbindelse.
- LES OG:
Ein luftputebåt har vore den einaste forbindelsen innbyggjarane har hatt med omverda.
- LES OG:
Fleire av innbyggjarane i bygda har flytta vekk og vil ikkje flytte tilbake før vegen har opna att.
- LES OG:
Skuff for skuff - meter for meter
MYKJE SNØ: Det ligg framleis mykje snø att i fjellet. Arbeidet med ryddinga kan difor bli stogga om vêret slår om.
Foto: Asbjørn RøneidOnsdag starta ein arbeidet med å rydde vekk skredet. Og det var litt av ein jobb som låg framføre dei.
- Det ligg mykje snø att oppe i fjellet, og det er berre ein liten del av dette som har kome ned på vegen, seier Røneid.
Med gravemaskiner og fres på kvar side vart meter etter meter med snø måka vekk.
- Stengjer vegen att i kveld
Det var først ikkje klart om ein ville klare å opne vegen onsdag. Dersom ein ikkje klarte dette hadde arbeidet blitt stoppa. Årsaka var dårlege vêrmeldingar.
Når vegen onsdag kveld vert opna er det berre for nokre timar.
- Vi stengjer vegen att onsdag kveld klokka 21. Vegen vil også vere stengd torsdag fordi det då er meldt om både nedbør og vind i fjellet, seier Røneid.
- LES OG:
STORT: Raset som gjekk i Veitastrond laurdag er nesten 400 meter breitt.
Foto: Kristian Kjesbu
