Har ikkje undersøkt godt nok

Hopp til innhold

Tysdag kom rapporten som syner at bybane frå Bergen sentrum til Åsane vil koste fleire milliardar meir enn forventa. Alle alternativa blir dyrare enn ein trudde, uansett kva løysing ein landar på.

Men rapporten slår og fast at tunnelalternativa i sentrum står fram som umodne og ikkje har komme like langt i planlegginga som traseen på gateplan forbi Bryggen.

– Dette har eg sagt frå dag ein. Fagavdelinga har konsentrert seg om dagalternativa, og latt vere å sjå på moglegheita for å legge bybanen i tunnel gjennom sentrum. Det syns eg er merkeleg, seier Eiler Macody Lund frå byrådspartiet Frp.

– Kven har ansvaret for det?

– Det er byråden, Filip Rygg, meier Frp-leiaren.

– Det står svart på kvitt

Dette skriv kvalitetsikrarane i rapporten:

Dagalternativet: det er denne traseen som har komme lengst i detaljering.
Tunnel under Christies gate: Dette alternativet er ikkje like gjennomarbeida.
Tunnel i Peter Motzfeldts gate: Delalternativet kan vera meir umodent enn det andre tunnelalternativet.

På ein karakterskala frå 1 til 6 får dagalternativet karakteren 2 og tunnelalternativet karakteren 4 i kategorien "prosjektmodenhet".

Macody Lund får støtte i kritikken frå opposisjonen med Harald Schjelderup i Arbeidarpartiet.

– Dessverre stadfestar dette det me har påstått ganske lenge.

LES OGSÅ: Frp bestilte eigen bybane-rapport - Hordaland

Bybanetraseen over Bryggen er langt betre greidd ut enn tunnelalternativa i sentrum. Det vert slått fast i kvalitetssikringa av bybanetraseen mellom sentrum og Åsane.

– I rapporten står det svart på kvitt at tunnelalternativa ikkje er godt nok gjennomarbeida, seier Harald Schjelderup (Ap).

Naturleg at dagløysinga får mest merksemd

Byutviklingsbyråd Filip Rygg (KrF) går ikkje med på at tunnelalternativa i sentrum er venstrehandsarbeid.

– Det er heilt naturleg at ein har sett mest på dagløysinga. Me har bygd bybanen slik heilt til Flesland og veit mest om denne måten å bygge på.

Han meiner Byrådet har undersøkt moglegheita for å legge Bybanen i tunnel godt nok.

– Etter å ha gjort det har me komme fram til nokre løysingar som er moglege å gjennomføre, seier Rygg.

LES OGSÅ: Avviser FrPs utspel - Hordaland

Bybanen til Åsane

Bybanen er en del av Bergensprogrammet for transport, byutvikling og miljø.

I februar 2006 ble det bevilget midler til bygging av Bybanen mellom Bergen sentrum og Nesttun. I 2010 ble finansieringsvedtak fattet for byggetrinn to til Lagunen, og finansiering av byggetrinn tre til Flesland blir behandlet våren/sommeren 2013.

I desember 2009 la Hordaland fylkeskommune og Bergen kommune fram utredningen om et framtidig samlet bybanenett i Bergensregionen. Utredningen konkluderer med at prioritert etappe etter bygging av bane til Rådal (Lagunen), er å forlenge Bybanen til Flesland. Deretter ønsker man å forlenge banen nordover til Åsane. Bergen bystyre vedtok i februar 2012 at det skal utredes videreføring av Bybanen til Vågsbotn.

Prosessen er delt inn i to faser:

Fase 1: Utarbeidelse av en konsekvensutredning som grunnlag for valg av trasé.
Fase 2: Utarbeidelse av reguleringsplan og teknisk forprosjekt for valgt trasé fra fase 1.

Vi befinner oss nå i fase 1 der man har utarbeidet en konsekvensutredning som grunnlag for valg av trasé. Etter at trasé er vedtatt av bystyret, skal endelig detaljering og planutforming gjøres i en egen prosess gjennom et reguleringsplanarbeid. Dette vil være det formelle plangrunnlaget for bygging av Bybanen til Åsane.

(Kilde: Bergensprogrammet)