Det skriv Firda. Informasjonssjef Ørjan Heradstveit seier dette er ei endeleg avgjerd som ikkje skal til handsaming i styret eller andre organ.
– No handlar det om førebuingsfasen fram til endringane blir sette i verk, seier han.
- LES OGSÅ:
Statoil har varsla at dei vil leggje ned mykje av forsyningsaktiviteten frå oljebasen i Florø frå sommaren 2015. 250 arbeidsplassar kan forsvinne frå kystbyen.
Måndag hadde fylkesordførar Åshild Kjelsnes, representantar frå Flora kommune og stortingsbenken møte med Olje- og energidepartementet, som lovar ta ein ny gjennomgang av konsesjonsvilkåra når det gjeld oljebasen i Flora.
Fylkesordføraren oppmodar politikarar og næringsliv i fylket om å kjempe for arbeidsplassane i Florø.
– Statoil rikkar seg ikkje, og køyrer sitt løp. Dei tek ikkje omsyn til argumenta våre om samfunnsansvar, og at vi meiner dei går utanom konsesjonskrava. Dei prøver seg, og det er ikkje første gongen, seier Kjelsnes til Firda.
- LES OGSÅ:
- LES OGSÅ: