Laksefisket har starta på ein eventyrleg måte: Allereie etter fem minutt hadde Gunnar Olsmo ein laks på 15,5 kilo på kroken i Eidselva – og no kjem rapportane om at Flekkevassdraget aldri før har hatt ein så god start på laksefisket.
- LES OGSÅ:
– Vi har hatt eit eventyrleg fiske i natt. Frå klokka 12.00 til klokka 09.00 fekk vi minst 40 fiskar på land, fortel Knut David Hustveit frå Flekke.
Aldri opplevd liknande
Hustveit organiserer fisket i Flekke og Guddal, og er i godt humør etter ei natt som overgår det meste han har opplevd innan fisking.
– Vi har teke meir enn nokon gong den første natta. Den største var på om lag ti kilo, og det har vore mange store fiskar, seier han.
– Eg har drive med dette i 25 år, men aldri før har eg fått så mange rapportar om fisk, seier Hustveit til NRK.no.
(Artikkelen held fram under biletet)
Høgt over fjorårets rekordar
Håkon Huseklepp er mellom fiskarane som har fått god fangst i løpet av natta.
– Eg har fått sju fiskar på land. Den største på ni kilo og den minste på fire kilo, seier han til
.Meldingane om godt laksefiske kjem også frå Eidselva og Gaula.
– Vi hadde ei god opning også i fjor, og då enda vi med rekordfangst. Så langt i år er det høgt over det, seier Hustveit.
I Flekkeelva vart det teke to fiskar på sju-åtte kilo berre i løpet av det første kvarteret av årets laksefiske. I Eidselva kom den første ruggen på 15,5 kilo på land før halvtimen var gått.