Kring 20 minuttar seinare kom meldinga om at brannen var under kontroll. Flammane skal ha svidd av eit område på kring 100x100 meter.
– Vi har kring 15 personar i sving, i tillegg til tankbil frå Sogndal og Gaupne. Det har ikkje på noko tidspunkt vore snakk om fare for at brannen skulle spreie seg til bygningar, seier vaktleiar Magni Brandsøy.
Klokka 19.30 tysdag melde politiet at dei har reist frå staden og at brannvesenet driv med opprydding. Det vil bli heldt tilsyn utover kvelden.