Det skriv Sogn Avis i dag. Etter 17 år prøver laksefiskarane igjen fiskelukka i Lærdalselva. I 1996 blei det oppdaga parasitt på fisken som førde til stenging av elva.
Leiar Lasse Sælthun i Lærdal elveeigarlag seier det er som å vere tilbake i gode gamle dagar.
– Vi er veldig godt nøgde. Til no er det fanga 138 laksar. Om lag 70 prosent av laksen er sleppt ut att og resten er avliva, seier han til NRK.no.
- LES OGSÅ:
- LES OGSÅ:
Den største er 13 kilo
Den største laksen som er teken er på 13 kilo, men mange har fått laksar på rundt 12 kilo på kroken.
– Det er lite smålaks som er fiska, dei minste er vel rundt åtte-ni kilo.
Elva har vore stengt for både kongelege og andre fritidsfiskarar etter at den dødelege lakseparasitten Gyrodaktylus salaris blei oppdaga i 1996. Kampen mot parasitten har kosta 45 millionar kroner.
Kan ikkje vere sikre
Sælthun seier det følast svært godt å vere i gang med fiske att. Det har hatt besøk av mange fiskarar som var her før gyroen blei oppdaga. Men om elva er heilt frisk att, veit dei først om nokre år.
– Heilt sikre kan vi ikkje vere før det har gått fem år etter siste behandling.
– Korleis er 138 laksar samanlikna med tidlegare år?
– Det er slik det var i gode gamle dagar då vi hadde ordinært fiske. Eg trur vi er tilbake til dei same tala, seier han.
- LES OGSÅ:
- LES OGSÅ: